INUIAAT ISAAT PILLUGU

INUIAAT ISAAT tassaavoq 1950-kkunni, 60-kkunni 70-kkunnilu Kalaallit Nunaannit smalfilmimut immiussanut toqqorsivik, taakkulu filmit siornatigut inuiaqatigiinnut takutinneqarsimanngisaannarput. Toqqorsivillu tamanut atorneqarsinnaanngorlugu saqqummerpoq. Anorak Film-ip piviusulersaarutaa "Sume - Mumisitsinerup Nipaa" sananeqarneranut atatillugu filmiliat katersorneqarsimapput.

INUIAAT ISAAT Kalaallit Nunaanni qanga pisimasunut takutitsisuuvoq siornatigut takutinneqarsimanngisaannartunik.

1982 sioqqullugu kalaallit namminneerlutik tv-kkut takutitassianik suliaqartarsimanngillat, nunanilli allaniit filmilioriartut tikittarsimapput, immiussiartortullu amerlasarsimapput piffissarlu sivikitsoq Kalaallit Nunaaniittarsimallutik. Uani nittartakkami filmiliat takuneqarsinnaasut kalaallinit filmiliaapput. Inuiaqatigiinnut misissueqqissaartartunut sanaajunngillat, inuppalaartuullutilli inuillu qanimut qanoq ittuunerat ersersinneqarluni.

Filmilianut ilisimasaqarnerulernissatsinnut ikiortigut. Sumiiffinnik, inunnik, pisimasunik imaluunniit arlaanik ilisarisaqaruit filmip ataanut oqaaseqaammut allagit imaluunniit allaffigitigut. Taamaalilluta tamatta INUIAAT ISAAT pitsanngorsarsinnaavarput. Aamma illit nammineq smalfilmimut immiussaateqaruit avitseqatigerusutannik attavigisinnaavatsigut.

INUIAAT ISAAT Anorak Film I/S-mit suliarineqarpoq Namminersornerullutik Oqartussanit Sermeq-Fonden-miillu tapersersorneqarlutik.
Assiliisut kinguaavilu nittartakkap imarisaanut tunniussisut qutsavigerusuppagut.